Dychwelyd nwyddau diffygiol

Os oes rhywbeth wedi mynd o’i le gydag eitem rydych chi wedi’i phrynu, efallai y bydd gennych chi hawl i gael ad-daliad, i drwsio'r eitem, neu i gael un newydd.

Os ydych chi’n cael problem gyda char ail law, efallai y bydd gennych hawl gyfreithiol i gael trwsio’r car neu gael eich arian yn ôl. Gallwch gael gwybod beth i’w wneud os ydych chi’n cael problem gyda char ail law.

Does dim ots a ydych chi wedi prynu'r eitem yn newydd neu'n ail law – mae gennych chi hawliau’r naill ffordd neu’r llall.

Bydd gennych chi hawliau cyfreithiol os yw'r eitem a brynwyd gennych:

• wedi torri neu wedi'i ddifrodi – gelwir hyn yn ‘ansawdd anfoddhaol’

• ddim yn gallu cael ei ddefnyddio – gelwir hyn yn ‘anaddas i’r diben’

• ddim yr un peth â’r hyn a gafodd ei hysbysebu neu ddim yn cyfateb i ddisgrifiad y gwerthwr

Ni fydd gennych chi hawliau cyfreithiol:

• os yw wedi'i ddifrodi yn sgil traul, damwain neu gamddefnydd

• os oeddech chi’n gwybod am y nam cyn i chi brynu'r eitem

Os nad oes dim o'i le ar yr eitem ond eich bod wedi newid eich meddwl, efallai y gallwch ei dychwelyd os ewch ati i weithredu’n gyflym. Ewch i weld beth yw eich hawliau os ydych chi wedi newid eich meddwl am rywbeth rydych chi wedi'i brynu.

Start the online tool